APOIAN A HOMENAXE...

Damos conta das primeiras comunicacións de apoio a esta homenaxe. A primeira, a do SEMINARIO DE ESTUDOS DO VALADOURO. E na reunión de hoxe deuse conta dos da Asociación XERMOLOS 

( Guitiriz ) , da IRMANDADE MANUEL MARÍA, da asociación AZOU ( Ribadeo ) e do colectivo Xebra ( Burela ).

Imos sumando...

Para manifestar o voso apoio a esta homenaxe podedes facelo enviando unha mensaxe a este blogue ou ao seguinte enderezo

homenaxeamirocasabella@gmail.com

  

Nace unha proposta...

Co remate do ano 2013 nace unha proposta: organizar no Valadouro unha homenaxe a Miro Casabella. A inciativa parte dun colectivo de Viveiro, PENSAMENTO E SEMENTEIRA que convoca a primeira das reunións o día 11 de xaneiro de 2014 na casa da Cultura de Ferreira do Valadouro.
Nesta primeira xuntanza participan os seguintes colectivos e persoas:
Colectivo Cultural OLLOMAO ( Barreiros ), AVENTADOS ( San Cibrao ), MARIÑAPATRIMONIO, O MUNDO DE GALEA,  A.C. OS CASTROS ( Cangas ), LIGA CÉLTICA GALAICA, A.C. AMADO LAR ( Ferreira do Valadouro ), CASAHAMLET,S.L.,CLUBE CULTURAL ELSINORE, A. IRMANDADE SAN CAETANO ( Celeiro de Mariñaos ), Colectivo Cultural BURIL ( Burela ), Ponte Fores, Daniel Caxigueiro, Emilio Méndez ( Finca Galea ), Manuel Lourenzo, Carlos López Otero, Evaristo Maseda, José H. Martinez Mosqueira, Arturo Mogo, Celso Dourado, ademais da entidade convocante, o Colectivo PENSAMENTO E SEMENTEIRA ( Viveiro ).
Non poden asistir mais apoian esta proposta a A. C. FRANCISCO LANZA (Ribadeo ) e o SEMINARIO DE ESTUDOS DO VALADOURO.
Nesta reunión elíxese unha Comisión Organizadora que xestionará apoios diante das institucións ( concellos e Deputación de Lugo ) e convócase unha nova reunión en febreiro para concretar o programa da Homenaxe a Miro Casabella.

HOMENAXE A MIRO CASABELLA

"A traxectoria artísica de Miro Casabella como compositor e cantante está estreitamente vencellada ao movemento da Nova Canción Galega e á historia contemporánea de Galicia. Dende a súa intensa etapa con Voces Ceibes, a finais da década de 1960, ata a súa participación no grupo Doa e logo o regreso en solitario despois duns anos de silencio, Miro Casabella puxo música e voz á poesía galega medieval e aos poetas galegos contemporáneos. Comprometido co país, coa cultura e co idioma galego, algunhas das súas cancións son xa himnos, símbolos dun tempo"

( Da contraportada do libro de Xan Fraga "Miro Casabella e a nova canción galega" ( Editorial Galaxia, Vigo, 2008 ).